AKTUEEL
Dis asof jy deesdae nie sosiale media of ’n nuuswebwerf kan oopmaak sonder om ’n storie raak te scroll van iemand wat êrens in die land deur een of ander giftige slang gepik is nie.
Die 62-jarige Michelle Botha, ma van die oud-sokkerspeler Ryan Botha, het in Maart by die dood omgedraai nadat sy drie keer deur ’n swart mamba in haar huis in Ballito, noord van Durban, gepik is en daar nie onmiddellik die korrekte hoeveelheid teengif beskikbaar was nie.
Daar word die afgelope paar maande al gewaarsku oor ’n moontlik dreigende ramp weens ’n tekort aan slangteengif.
Tog sê die nasionale gesondheidslaboratoriumdiens (NHLS) daar is geen rede tot paniek nie. Selfs met 27 kenners in die behandeling van slangbyte wat onlangs ’n ope brief aan dr. Joe Phaahla, die gesondheidsminister, gestuur het waarin hulle