Ons almal het al gehoor dat jy moet stilstaan en “vries” die oomblik dat jy ’n slang sien. Maar Johan Marais van die African Snakebite Institute (ASI) sê dit is bog.
“Die beste is om onmiddellik ten minste vyf tree pad te gee. Niemand wil stilstaan voor ’n 3,5 m lange swartmamba nie. Daar is baie stories, maar die waarheid is as jy minstens vyf tree weg is, is jy buite die slang se reikafstand en 100% veilig.”
Hy sê ook dat die meeste mense wat deur slange gebyt word, gebyt word wanneer hulle per ongeluk op die slang trap. En daar is ook baie gevalle waar mense gebyt word wanneer hulle probeer om ’n slang te vang of dood te maak. “Ek het al soveel badkamers en mure gesien wat opgeneuk is omdat iemand die slang