DIE liefde tussen party mense blom so geil soos ’n plaasoes ná ’n goeie reënseisoen – en sommer vinnig ook.
En noudat die 15de seisoen van Boer soek ’n vrou ten einde geloop het, blyk dit dat die maatsoekreeks ná baie jare steeds ’n vrugbare teelaarde vir romanse bly.
Huisgenoot het gaan inloer by die deelnemers aan dié seisoen om te hoor hoe hul hartsake lyk nadat die kameras ophou draai het.
DIE TOPVYFBOERE
1 LOUIS BOTHA
Sommer van episode 11 af, toe Louis B (27) vir Rachie se ouers op Vivo, Limpopo, moes gaan kuier, kon kykers sien dié twee het die skoot hoog deur. Hy het so lekker saam met haar en haar mense gekuier, dit het vir hom gevoel “asof ek in my eie huis saam met my eie mense kuier”,
