’N GOEIE OESJAAR VIR VANJAAR SE BOERE
AS DIE liefde blom, kan niks dit keer nie, nie eens droogte, oorstromings, plae of ’n pandemie nie.
Vir die liefde was dit duidelik ’n goeie oesjaar, want vyf van die top-10-boere in die afgelope 13de seisoen van Boer soek ’n vrou het hul droomvrou ontmoet.
Maar hoe het die paartjies se liefdespad verloop sedert die kameras ná die verfilming van die kykNET-reeks ophou rol het en die laaste episode onlangs uitgesaai is? HG het gaan vasstel.
NIEL (33) EN CHEREZE (29)
Hulle het saam gekyk na die laaste episode van Boer soek ’n vrou hier in die plaashuis buite Prince Alfred Hamlet in die Warm Bokkeveld waar Niel in Januarie vanjaar kom nesskop het.
En hulle kon nie anders as om ’n traan weg te pink toe hulle sien hoe die eerste hoofstuk in hul eie liefdesverhaal tot ’n einde kom nie. “Ek en Chereze het omtrent nie geslaap nie, want ons het so baie boodskappe van so baie mense gekry,” vertel die lang donkerkopboer.
Niel, wat eers op ’n vrugteplaas buite Grabouw gewerk het, was die gewildste boer in vanjaar se reeks. Hy het die meeste briewe van bewonderaars ontvang.
Uit die staanspoor het hy oop kaarte gespeel oor sy vorige mislukte huwelik en was dit dui delik dat hy ernstig in sy soeke is na ’n maat.
‘EK IS GEMAKLIK WAAR EK VEILIG VOEL. EN DIT IS BY NIEL’
En nou sit sy styf langs hom
