GESOEK: ’N ÁNDERSTE VROU
VYF springbokkies kyk jou so half uit die hoogte aan wanneer jy die huis net buite Vredefort in die Noord-Vrystaat nader. Dan sorg hulle met ’n paar sierlike spronge vir meer daglig tussen jou en hulle.
Die baas van die plaas ontvang jou heelwat hartliker. Dis hier waar Richann Brüssow (30), die singende vrygesel van kykNET se maatsoekprogram Boer soek ’n vrou, die snare tokkel. Maar die kollig kan jou erg ontsenu, erken hy met die intrapslag.
Tydens sy studentedae aan die Noordwes- universiteit in Potchefstroom het hy gereeld in die stad se kuierplekke sy lyf troebadoer gehou. Om mense te vermaak was vir hom so natuurlik soos om agter ’n
