VANDAG is die groot dag. Alanda straal. Sy kan nie wag om mevrou Botha te word nie. ’n Jaar gelede het sy gedink sy sou nooit ’n kêrel, wat nog te sê ’n lewensmaat, vind nie. As ontwerper is sy meestal tot laataand in haar ateljee besig. Sy raak so vasgevang in haar idees vir nuwe ontwerpe dat sy nie regtig aan verhoudings kon dink nie.
Alles het verander toe sy Jack ontmoet het. Sy kyk na die blink band om haar arm wanneer sy aan daardie dag dink. Iemand sou nou sê dis verwaand dat sy een van haar eie ontwerpe dra. Maar die dag van hul ontmoeting is juis die rede waarom sy besluit het om vandag hierdie juweelstuk te dra en nie een van dié wat Jack intussen vir haar laat maak het nie.
Hul ontmoeting was 10 maande gelede vir die eerste keer in ’n klein vintage juwelierswinkel op die