Versteekte diamante
HOE is dit moontlik dat haar been alweer in gips is? wonder die rooikop Nikkie Bruwer terwyl sy na haar buurvrou oorkant die straat staar. Sy skat Sandra so in haar laat dertigs. Sy wil haar nie openlik aanstaar nie en verkies om agter die kantgordyn te skuil.
Sy self het in haar vyftig jaar nog nooit ’n ledemaat gebreek nie, en kan die vrou se bad luck nie verstaan nie.
Sandra se been was ’n ruk terug ook in gips, maar dit is seker drie maande gelede afgehaal en hier verskyn sy weer in gips!
Nikkie besluit sy sal nou-nou na haar buurvrou se luukse huis stap.
Haar eie huis is ook nie te versmaai hier in die gegoede deel van die dorp nie. Dit is alles te danke aan haar suksesvolle juwelierswinkel wat sy meer as 35 jaar gelede begin het, waarvan sy
