Nie alle helde dra capes en het superkragte nie. Elke dag is daar gewone mense wat heldedade verrig, maar nooit die erkenning of roem kry wat hulle verdien nie. Nie dat hulle dit verwag nie, want al wat vir hulle saak maak is die verskil wat hulle in ander se lewens maak.
Ruhshana Theunissen (42) van Hanover Park op die Kaapse Vlakte is een van hulle. Dié ma van vier het haar eie lewe gewaag om hul bure se seuntjie s’n te red. Toe die koeëls rondom hulle vlieg, het sy nie vir een oomblik gedink aan die gevolge toe sy haar eie lewe op die spel geplaas en hom met haar liggaam beskerm het nie. Sy het dit instinktief gedoen vir iemand vir wie sy lief is.
Die uiteinde was dat hulle oorleef het, maar die voorval het haar lewe onherroeplik verander. Die eens aktiewe vrou sit nou in ‘n rolstoel, sy het haar been verloor en dra kimbies. Elke dag is ‘n stryd. Maar Ruhshana bejammer nie haarseif nie, sy veg voort - teen haar beserings, die bendegeweld, die swaarkry. Opgee is nie ‘n opsie nie, want terwyl sy leef, gaan sy stry teen die aanslae van die lewe ter wille van haar dogters, Azraa (19) en Ziyaadah (15), en seuns,Taqeeuddeen (9) en Nizaam (5).
“Toe ek eventually bykom in high care het ek afgekyk en realise ek kan my een been sien, maar ek kan níe my ander been sien nie.” RUHSHANA THEUNISSEN
SKOTE KLAP SKIELIK
Sy vat ons terug na aaardie dag in
