Jou lewer is die grootste soliede, interne orgaan in jou liggaam. Dit help jou liggaam om van gifstowwe ontslae te raak, is verantwoordelik vir bloedstolling, cholesterolbeheer en verskaf boustene vir genesing. As jou lewer ingee, gee alle ander organe daarmee saam in. Die probleem is egter in baie gevalle ervaar jy geen simptome om jou te waarsku dat daar fout is met hierdie belangrike orgaan nie.
Vir Michael Retief (39) van Pretoria was die nuus dat hy nie-alkoholiese lewervervetting (non-alcoholic fatty liver disease) het 'n geweldige skok. Volgens hom het hy ná sy pa se dood tien jaar gelede gewig begin optel.
“Ek en my pa was baie close en sy dood was vir my swaar om te verwerk,” sê hy. Kort ná sy pa