OP Pretoria se weelderige Silver Lakes-landgoed voel dit nog soos pure vakansie. Kinders baljaar in die strate en ’n kringetjie mans gesels op die lowergroen gholfbaan terwyl hulle wag dat ’n mater afslaan.
Silver Lakes was natuurlik ook die hartland van Die Real Housewives van Pretoria, want drie van die ses deelnemers woon hier. En met die jongste seisoen van kykNET se werklikheidsreeks afgehandel, is dit asof die hele plek ’n blaaskans van al die aandag geniet.
Van een van die deelnemers, Talana Vuren-Kuhn (28), het kykers egter heelwat minder as die ander gesien. En dis waarom ons vandag hier is – want ná ’n moeilike swangerskap is dié Housewife se Kerstyd ekstraspesiaal gemaak deur die koms van ’n
