DIE wind waai vandag, maar nes altyd keer dit die branderplankryers nie om die golwe hier by Muizenberg aan te durf nie. Daar is tieners in die wit skuim en kinders op klein plankies – ook veterane wat al jare lank Valsbaai se wit perde kom tem.
Tussen al die branderplankryers – oud en jonk – lyk Raemondo Lessing (15) dalk ’n bietjie anders as die res, maar hy is ewe geesdriftig.
Hy kan nie met sy hande roei om die branders te vang nie – en ook nie op sy bene staan wanneer hy momentum
