Oondgebakte heel skaaprib
• 1 heel skaaprib
• Paar vars suurlemoene
• 80 ml koljandersaad, geskroei en gestamp
• Sout en varsgemaalde witpeper
Voorverhit die oond tot 170 °C. As die rib baie vetterig is, sny met ’n skerp mes diamantpatrone in die vel aan die vetkant van die rib. Vryf die rib goed in met lekker baie vars suurlemoensap en besprinkel dan mildelik met geroosterde, gestampte koljander, sout en witpeper. Vryf die speserye en sout ook goed in. Sit die rib op ’n rakkie bo-op ’n oondbak (vir die vet wat gaan afdrup) met die vetkant na bo. Bedek alles met foelie en sit dit in die oond vir 1-1½ uur, of tot die rib amper sag is. Haal die foelie af en bak verder oop tot die vleis sag en die vet bruinbros is. Druk vars suurlemoensap oor die hele rib uit, laat rus vir ’n paar minute, sny die vleis en lê weg. Lewer 6 porsies.
Lamskenkels in tamatiesjerriesous
• 4 kleinerige, heel lamskenkels
• Sout en varsgemaalde swartpeper na smaak
• 5 ml komyn
• 5 ml koljander
• 60 ml olie
• 1 groot ui, fyngekap
• 4 knoffelhuisies, fyngekap
• 1 blik (410 g) tamatiepuree
• 250 ml sjerrie
• 250 ml vleisaftreksel
• 45 ml fyngekapte vars pietersielie
• 100 ml room
Voorverhit die oond tot 160 °C. Geur die lamskenkels met sout, peper, komyn en koljander. Braai die skenkels in die olie in ’n pan bruin. Skep uit in ’n oondbak waarin die skenkels in ’n enkellaag pas. Braai die ui en knoffel in dieselfde pan en olie tot die ui sag is. Voeg die tamatiepuree, sjerrie en aftreksel by en verhit tot kookpunt, terwyl jy die pan se boom met ’n houtlepel skraap om al die stukkies los te maak. Geur die sous met sout en peper na smaak en giet dit oor die skenkels in die oondbak. Sprinkel die