Hoendersosaties met geurige rooibosmarinade
Die vleis vir die sosaties kan tot 3 dae in die yskas in die sous marineer, maar dit moenie korter as 4 uur marineer nie. Maak seker die marinade bedek die vleis, anders sal jy dit gereeld moet omdraai.
KERRIE-ROOIBOSSOUS
• 30 ml koljandersaad, geskroei
• 5 ml fyn kaneel
• 10 ml vars gemmer, gerasper
• 5 ml wonderpeper (fyn pimento)
• 30 ml kerriepoeier, gerooster
• 80 ml bruinsuiker
• 5 ml mielieblom
• 10 ml sout
• 60 ml olyfolie
• 200 ml witdruiweasyn
• 200 ml sterk rooibostee
• 30 ml fyn appelkooskonfyt
• 2 vars lourierblare, gekneus
• 60 ml langleweroom
VLEIS
• 2 kg hoender (borsfilette of ontbeende dye), in blokkies gesny
• 3 uie, in kwarte gesny, met kookwater bedek en gedreineer
• 30 droë-appelkosies, oornag in rooibostee geweek
• Sout en varsgemaalde swartpeper
Maal die koljandersaad fyn en meng dit met die speserye, bruinsuiker, mielieblom en sout. Verhit die olie in ’n pan en braai die mengsel daarin vir 1 minuut. Voeg die asyn, rooibostee, konfyt en lourierblare by en verhit tot kookpunt, terwyl geroer word. Geur na smaak en voeg ekstra sout, konfyt of asyn na smaak by om die balans perfek te kry. Laat prut die sous vir 2minute. Verwyder van die hitte en roer die langleweroom by. Laat heeltemal
