SOUS DIT... EN GENIET DIT
Mosterd-en-heuninghoendervlerkies
Maak 12 vlerkies Bereidingstyd 5 minute Gaarmaaktyd 15 minute
Jy benodig
• 12 hoendervlerkies
• 1-2 teelepels van jou gunsteling-braaisout
VIR DIE SOUS
•1/3 koppie dijonmosterd
• ¼koppie heuning
• 1eetlepel srirachasous
• 1eetlepel appelasyn
• ’n knippie rissiepoeier
• 1 teelepel sojasous
Só maak jy
1 Knip die hoendervlerkies se punte af – dit sit gewoonlik net in die rooster vas en maak dit moeiliker om te braai. Ryg hulle dan een-een op sosatiestokkies wat jy vooraf in water geweek het (dit is sodat die stokkies nie oor die kole vlamvat nie). Geur die vlerkies met sout en braai dit vir 10 minute oor matige kole totdat dit lyk asof die vleis al gaar is, maar die vel nog bleek.
2 Klits al die sousbestanddele saam. Doop die gaar vlerkies in die sous en braai hulle verder totdat die sous taai en die hoender goudbruin is. ’n Skeut vars suurlemoen- of lemmetjiesap is vir my lekker, maar heeltemal opsioneel.
Knoffelmossels met spek
Vir 4 (as voorgereg) Voorbereiding 10 minute Gaarmaaktyd 10 minute
Hierdie geurige gereg bly ’n wenner as voorof hoofgereg.
Jy benodig
• ’n groot klont botter
• 250 g spek, gesnipper
• 1 ui, fyngekap
• 2 knoffelhuisies, fyngekap
• 2stingels seldery, fyngekap
• 350 ml bier (lager)
• 1,5 kg bevrore halfskulpmossels, ontdooi
• 125 ml room
You’re reading a preview, subscribe to read more.
Start your free 30 days