DIE lewe het sy seisoene. Soms blink die blydskap van gedeelde geluk en die liggies van ’n glansbestaan, ander kere raak alles stiller.
Nadat hulle tot onlangs nog gebaai het in die eerste soort seisoen, bevind die hiphopsterre Yoma en Hemelbesem hulle nou in ’n ander soort bestaan.
Nie te lank gelede nie was hulle die kragpaartjie van Afrikaanse hiphop. Die twee rappers het die musiekwêreld aan hul voete gehad, en hul liefdesverhaal het sekerlik daartoe bygedra dat hul duet “#Cyphersaam (Huisreëls)” so gewild was.
In Gauteng, waar hulle hulle gevestig het, het Yoma en Hemelbesem (die verhoogname van Claudia en Simon Witbooi) talle pryse soos
