‘Moord hou ons gevange’
Die susters mee. Heidie Taljaard en Trudie de Beer leef elke dag soos gevangenes sedert die wrede en sinlose moord op hul geliefdes naby Hartswater in Julie 2020. Meer as twee jaar later is dit tyd vir die hofsaak van die vyf verdagtes, en hulle hoop dat geregtigheid sal seëvier.
Elke keer as die koue aan haar lyf kom vat, wonder me. Heidie Taljaard (48) hoe koud moes haar ouers en suster gekry het.
“Elke keer as ek my toon stamp, wonder ek hoe seer het Els (me. Elzabie Brand, haar suster) gehad. Hulle het haar kaalvoet die bosse ingesleep. Haar tone was gaar. Stukkend gestamp teen die klippe.”
Me. Trudie de Beer (52) sê ’n paar keer per dag as sy iets moois sien of goeds van hulle onthou, tref die werklikheid en wreedheid haar weer.
