MY LÁNG SOEKE NA GEREGTIGHEID
SY OË rus nie. Hy fynkam die mensegewoel op die sypaadjies en in die winkelsentrums, die insittendes van elke bakkie wat verbyflits of langs hom by ’n verkeerslig stilhou. Op soek na daardie een gesig wat in sy geheue ingebrand is.
Hy het sy dogter se vermeende moordenaar se gesig op die agterpassasiersruite van sy Toyota Etios geplak – dalk herken iemand hom en kry hy die oproep waarop hy al so lank wag. Maar die leidrade van mense wat hom glo op ’n straathoek sien bedel of in die winkelsentrum sien stap het, was telkens vergeefs.
Saans kom Dries Venter (69) tuis met die smaak van teleurstelling soos as in sy mond en veg hy teen die hartseer, verlange en magteloosheid wat in hom
