SLAGOFFERS: NIE NET ’N SYFER
Die regering se syfer vir plaasmoorde sedert 1994 staan op digby 2 000. TLU SA se syfer is nader aan 2 300 en volgens sy statistieke is daar al 28 mense in 106 plaasaanvalle vanjaar vermoor.
Dit is skrikwekkende statistieke, maar Manie wil saamstem met Marcelle Maritz, VF Plus se leier in Limpopo, wat waarsku dat Suid-Afrikaners nooit net gewoond kan raak daaraan nie, want dan is ons “gestroop van menslikheid, emosie en meegevoel”. Die syfers mag nie daartoe lei dat die grusame werklikheid
