Verlede maand het ons die roetes en onstuimighede van die eerste dag van hierdie wonderlike avontuur gedeel en gedink ons het al die modder en reën wat moontlik op hierdie roete kon wees, ervaar… Toe nou nie! Aangesien daar selfs swaarder reën vir die tweede dag van ons avontuur voorspel is, het ons gekies om die beplande rusdag vroeër te skuif en die groep avonturiers kon ‘n bietjie inlê.
Tydens ontbyt het ek egter opgemerk dat die wolkbedekking hoër is as die Sentech-torings op Dawid se Kop (2 500m) was en gedink dis die risiko werd om daarheen te ry, voordat die dag se reën sou toesak. Ten spyte daarvan dat dit die rusdag was, het ons ‘n byna volle opkoms vir die uitstappie gehad, met slegs Marco-hulle wat afwesig was. Hy het natuurlik ‘n baie goeie verskoning gehad aangesien hy Elliot toe mos ry om ‘n nuwe stel bande by Supa Quick te laat monteer. Ek wil hier noem dat die eienaar van Supa Quick gereed, gewillig en in staat was om sy winkel op ‘n Sondag vir Marco oop te maak. Soos die Engelsman sou sê: Give that man a Bells!
Ons het ons
