EERSTE PARFUUM
Dinamiet kom in klein pakkies. En Lukretia Booysen (36), oorspronklik van Worcester is ’n bewys daarvan. Lukretia is die stigter van die Khoena Art Instituut in Kaapstad en het ook haareie klerereeks, Kwaai Khoi, van stapel gestuur. Nou is sy ook die trotse eienaar van Suid-Afrika se eerste inheemse parfuumreeks, /Nami!
Lukretia het onlangs haar parfuum bekendgestel en spog trots dis ’n ode aan haar voorvaders. “’n Liefdesbrief aan ons voorvaders en almal van ons wat daaruit spruit. Ek is so passievol daaroor om hierdie belangrike deel van my en ons Suid-Afrikaanse erfenis te vier. Ek het dit nodig gevoel om iets te skep waarmee ons almal kan vereenselwig en mense regoor die wêreld kan opvoed oor ons inheemse tale en kultuur.”
Die borrelende Lukretia sit rustig agteroor met ’n aansteeklike glimlag op
