One vergeet ons is EINTLIK net van hier BERTUS
“Hy moet net nie . . .” sê die deelnemers vooraf effens benoud. En . . . “ek hoop nie hy . . .” Nee, hy gaan nie. Daardie kosbare foto van ’n afgestorwe familielid teen die muur. Daardie gereg waarop jy jou eie stempel afgedruk het. Dit gaan vir seker bly. Want dis wat jou eetplek uniek maak, jóú storie, die hart . . .
Bertus Basson, aanbieder van op kykNET, loop met sý hart op sy mou. Elkeen van sy rare tatoes vat ’n herinnering vas: Mareli, sy vrou, se vingerafdruk. Die klankgolwe van sy kinders, Elizabeth (2) en Theodore (5), se hartklop soos die eerste keer op ’n sonar gewaar. Pootafdrukke van sy honde en katte, selfs een van sy vark, man. “Met diere werk dit só,” vertel die man met die diep frons tussen sy oë en grys spikkels in sy baard en hare. “Jy is dalk 80 jaar op die planeet,