Julle sê ...
REG VIR OPSTAAN EN AANGAAN
Tussendeur groot happe mosbolletjie-met-botter-ontbyt, sê ek goeiemôre uit Kaapstad! Ek het so pas Marteni Burger se Kuberkuier-artikel (“E-pos uit Bassin d’Arcachon, Frankryk”, Januarie/Februarie-uitgawe) gelees en dit baie geniet. Sy vertel hul Afri-Franse storie so lekker. Oggendleesstof moet ’n glimlag op ’n mens se gesig sit; baie dankie daarvoor. Die pragtige foto’s en verwysings na kos en wyn en mooi dinge het my sommer weer hoop gegee vir 2022. Ek en my vennoot bedryf ’n toerisme-vervoerbesigheid hier duskant die boereworsgordyn. Ons klim nog teen die (uiters) glibberige damwal uit ná die Covid-pandemie, maar ons het dit gemaak. Dis ’n voorreg wat so baie van ons kollegas in die industrie nie gehad het nie. Dit voel bietjie soos oorbegin, maar ten minste is ons ouer en wyser as jare gelede.
Ek gebruikdaarby.) Marteni, wanneer jou Franse vriende weer reisgereed is, pos hulle gerus hier na ons punt van die wêreld toe. Goeie tye word gewaarborg met kos, wyn en al ons eie mooi dinge op die agenda. Ons sal graag weer wil spog met alles wat ons so na aan die hart lê. Groete uit die land van kleure en klank.
