HOE STRY JÝ?
Die meeste van ons het al lelik ons humeur tydens ’n stryery verloor. Niemand is te goed om sleg te word nie, het die oues van dae altyd gesê En ja baie gesê. ja, van ons sit nie noodwendig ons beste voetjie voor die dag wanneer ons“goed”die hel in is nie. Woede is mos ’n ander ding en partykeer vlieg die woorde ook sommerso saam met die borde en panne. Ander kere heers daar vir dae lank ’n onuithoudbare stilte en soms, net soms, word sake darem ook uitgepraat.
Almal het maar hul eie manier van argumenteer. Maar hoe stry jy? Is jy ’n ontploffer? Is jy die een wat sommer laat loop met die beskuldigings? Of is jy daai mens wie se stilstuipe jou lewensmaat tot raserny dryf-Of dalk is jy ’n vredemakerwat dadelik sake wil uitklaar om ongemak te vermy? Kuier het ’n bietjie rondgevra en ook kers gaan opsteek by die kenners oor wat die impak op verhoudings is afhangend van die tipe“stryer”wat jy is.
DIE VREDEMAKER/VERSIGTIGE STRYER
Sy dink eers ’n saak goed deur en benader die probleem versigtig, sê Verna Stuurman (53), ’n onderwysdeskundige van Kuilsrivier in die Kaap.“Ek dink nie ek soek noodwendig ’n uitweg uit konfliksituasies deur net
