Ballade van ’n bakker
Om regte “outydse” suurdeegbrood te bak lyk of klink dalk intimiderend, maar dit hoef glad nie die geval te wees nie. As jy eers ’n paar basiese beginsels onder die knie het, sal jy gou die lieflikste gesonde brode met die beste korsie kan bak. Al is daar slegs vier bestanddele betrokke – meel, water, gis en sout – sorg ’n proses van ingewikkelde chemiese veranderinge dat die klonte nat deeg wonderbaarlik verander in voedsel vir liggaam en siel.
Ek het op die plattelandse dorp Rustenburg in Noordwes grootgeword. My ma het altyd self brood gebak en ek onthou hoe sy haar “plantjie” van fyngerasperde aartappel reggekry het vir die groot kniewerk wat voorlê. In soveel van my kindertydherinneringe hang die geur van varsgebakte brood as jy smôrens uit droomland ontwaak…
My eie reis met suurdeegbrood het byna drie jaar gelede begin op ’n middagete by ’n Bolandse restaurant-enbakkery. Daar het ek ’n flessie met ’n erg borrelende suurdeegplantjie present gekry. My belangstelling was geprikkel en ek wou op die daad meer weet oor suurdeegbrood. “Kontak die bakker vir meer inligting,” het op die kaartjie aan die fles gestaan. Só is ek huis toe… en Alice is gebore.
Alice is my baie aktiewe wildegisplantjie waaraan ek elke dag moet aandag skenk. Wildegisplantjies moet daagliks met gelyke dele meel en water gevoer word – ek verkies
You’re reading a preview, subscribe to read more.
Start your free 30 days