BAK MET selfvertroue
1 Wat is die grootste geheim van gebak?
Bak met ál jou sintuie!
2 Waarom is dit vir jou so lekker om te bak?
Natuurlik om iets te gee, om mense te bederf en herinneringe te skep. Dit skep ook ruimte en tyd om te ontlaai en om kreatief te wees.
3 By wie het jy leer bak?
My ma en albei my oumas was lief vir bak en hulle het my van bak geleer, maar my liefste ma het my die vryheid gegee om die kombuis my eie te maak. Ek kon resepte toets en opmaak nes ek wou. Dit het my bakkennis verbreed en my vaardighede ingeskerp. Sonder haar sou ek beslis nie die bakker gewees het wat ek vandag is nie.
4 Waarom is mense soms bang om te bak?
Hulle het hierdie wanpersepsie dat dit moeilik is. Dit keer hulle om te glo dat hulle dit kán doen. Ek wonder of mense nie bang is vir ’n mislukking nie, of dat die gebak nie sal uitkom soos op die
