MISSIE: KRY TOM TE SIEN!
SELFS hier in Suid-Afrika het sommige mense dalk net ’n vae idee waar Hoedspruit is. Êrens bo in Limpopo, naby die Krugerwildtuin ... en o, daar’s mos kremetartbome en jy moet oppas vir die vlakvarke wat oral langs die pad wei.
Die dorpie hier in die snikhete Bosveld onder die Klein Drakensberge bied op die oog af dalk min aan toevallige reisigers: brandstof, ’n koue bier of iets te ete. Maar vir dié wat weet, is dit die “Big 5 Capital of South Africa” – ’n poort na die gesogte privaat wildreservate in die omgewing.
Die afgelope twee jaar was die Hoedspruit-kontrei met sy sowat 3 000 inwoners stiller as ooit, want die pandemie het die toerismebedryf tot stilstand geruk. Maar skielik stroom mense na die gebied, die jongste aflewering in dié aksiebelaaide fliekreeks.
