JARE lank het sy in haar praktyk kliënt ná kliënt gesien wat gefrustreerd, depressief, verward of hartseer was.
As terapeut is dr. Ramani Durvasula van Los Angeles, Kalifornië, geleer om hulle te help om hul gedragspatrone te verstaan en lewenstrategieë te leer.
Dit het haar opgeval hoeveel van hierdie mense se stories ooreenkomste toon, selfs al is hulle uiteenlopende mense met uiteenlopende lewens.
“Almal van hulle het gevoel hulle moet die blaam dra vir hul situasie, hulle het in hulself getwyfel, aanhoudelik oor dinge getob, skaam gekry, sielkundig gevoel of hulle geïsoleerd, verward en hulpeloos was,” sê sy.
Daar was nog ’n ooreenkoms tussen al hierdie mense, het sy besef: Hulle almal het iemand in hul lewe gehad wat sekere giftige gedragspatrone getoon het.
“Ongeag of dit ’n huweliksmaat, ouer, ander familielid, volwasse kind, vriend, kollega of baas was, my kliënte het deur die bank stories vertel oor hoe hulle afgekraak is of laat skaam voel het wanneer hulle hulself probeer wees het.”
Sy het geglo daar was in elkeen van hierdie kliënte se lewe ’n narsis wat hulle so laat voel het.
Dit het haar passie geword om uit te vind wat agter narsistiese gedrag sit en om narsistiese persoonlikhede te verstaan en
