Gehoor van die in-die-kas-narsis?
Toe SARIE agt jaar gelede die eerste keer oor narsisme geskryf het, was daar ’n ontploffing van reaksie. Elke tweede mens het gedink hul man is ’n narsis. Of hul ma, of (veral) skoonma! Dit het daartoe gelei dat Riette Rust ’n boek oor die onderwerp geskryf het.
“Ek kry weekliks briewe van veral vroue wat presies uiteensit hoe die narsis in die gesin optree. Dis duidelik die prentjie van iemand met ernstige narsistiese trekke, indien nie ’n ‘volledige’ persoonlikheidsversteuring nie,” volgens Riette. Haar boek, Ek! Ek! Ek! Herken en hanteer narsisme*, het twee keer vinnig uitverkoop en sy het op eie koste ’n derde oplaag laat druk.
Nou ja, waarskynlik is meer mense deesdae bewus van narsisme – so baie boeke en artikels verskyn hieroor. “Boonop skep sosiale media ’n platform vir narsistiese trekke om te floreer,” sê Riette. In die moderne sielkunde word narsisme. Sommige mense is meer narsisties, ander minder. Ons almal kan by tye op ’n narsistiese manier optree. Maar iemand wat deurgaans dié soort streke uithaal, het dalk ’n narsistiese persoonlikheidsversteuring.
