PROJEK DINA
Jy dink altyd dit gebeur net met ander mense. Maar dit was so hittete of een van haar dogters het ’n paar jaar gelede die slagoffer van ’n ontvoering in die Hyde Park-winkelsentrum in Johannesburg geword nadat sy net vir sekondes haar rug op haar kinders gedraai het.
Roberta Durrant, die skepper, kreatiewe regisseur en vervaardiger van Projek Dina sê hierdie skok-ervaring was deels die inspirasie vir die skep van dié dramareeks op kykNET. Projek Dina is terug vir ’n tweede seisoen van 10 episodes.
Die eerste seisoen se karakters is almal terug in dié Suid-Afrikaanse reeks van Penguin Films. Dit handel oor ’n taakspan wat help om vermistes op te spoor losweg op regte Suid-Afrikaanse sake oor vermiste mense gebaseer is.
