’N INSPIRASIE – TOT IN JAPAN!
EENS op ’n tyd, nie so lank gelede nie, was Paballo Lobone moedeloos en werkloos. Hy het saam met sy ouma en ma aan die buitewyke van Klerksdorp in Noordwes gewoon – met net sy ouma se welsynstoelae om hulle aan die lewe te hou.
“Dit was ’n besonder moeilike tyd vir my. Ek het vaardighede gehad, maar kon nie werk kry nie,” vertel die ge-kwalifiseerde brandbestryder en paramedikus.
In daardie swaarkryjare sou Paballo (26) nie in sy wildste drome kon dink dat hy nog tot ver oor die waters sou naam maak nie – en dít as ’n superheld.
Trots wys hy nou die Engelse handboek vir Japannese hoërskoolkinders waarin van hom en sy heldedade vertel word. Boonop
