e-pos UIT Moss, Noorweë
Hoe het jy besluit op Noorweë?
Ek en my twee dogters was in China toe Covid-19 in Januarie 2020 uitbreek. Ek het as enkelma alleen deur die pandemie geleef. Teen daardie tyd was ek al drie jaar daar en reg vir iets anders. Ek’t reg oor die wêreld aansoek gedoen vir werk en Noorweë het my ’n pos aangebied waarvoor ek nie kon nee sê nie. Ná vier maande se wag vir ons visums land ons toe in Moss, 40 minute suid van Oslo. Daar het ons tot in Julie vanjaar gebly voordat ons terug is Suid-Afrika toe.
Wat is jou beroep?
Ek is ’n onderwyser wat spesialiseer in die IB MYP-kurrikulum vir die ouderdomsgroep 10 tot 15 jaar. In Noorweë het ek vakke soos natuurwetenskap en Engels gegee.
