ONS BABA, WEGGERUK
IN DIE kas tref ’n sagte, grys olifant en ’n pienk Supergirl-speelpakkie jou oog. Teen die muur is haar naam in goue letters uitgespel: Milané. Vir haar ouers, Christo Grobler (34) en Adela Malan (24), was klein Milané se koms soos ’n wonderwerk nadat hulle in Januarie 2019 ’n baba verloor het. Adela was ses en ’n half maande swanger toe Christiaan, soos hulle hom genoem het, doodgebore is.
Maar vandag hoor jy geen babageluidjies in die ruim woonstel waar haar babakamer ingerig is nie. Want op 31 Augustus, op die ouderdom van net sewe weke, is klein Milané dood aan covid-19.
Adela klem gespanne aan haar foon vas. So asof sy hoop
