FRANKRYK SE GOUE PAAR SÁÁM DEUR DIK EN DUN
DIE Franse is nie lief vir weddenskappe nie, maar toe Nicolas Sarkozy en Carla Bruni in 2008 ná ’n romanse van twee maande besluit om te trou, het talle begin raai wat hul skeidatum sou wees.
Dié twee, die sexy supermodel en “pres. Bling-Bling”– die bynaam wat die media hom gegee het oor sy voorliefde vir Rolex-horlosies, sonbrille met goue rame en die rykes se geselskap – was mal oor publisiteit, is gesê. Sy was mal oor mag; hy oor jong vroue. Dit sou nooit hou nie, het hulle oor sy derde huwelik voorspel.
“Sy sal hom los as hy in 2012 verloor,” het ’n politikus-vriend vir my gesê.
Nicolas, ’n Republikein, het toe teen die Sosialis François Hollande verloor en was nie vir ’n tweede termyn president nie.
“Sy dwalende oog sal iemand anders kry die oomblik dat sy vir botoks gaan,” het ’n voorste Republikein selfversekerd by ’n ete laat hoor.
Dertien jaar, een presidentskap en twee verkiesingsnederlae (in 2012 en 2017) later is Nicolas en Carla steeds getroud en luidens berigte nader aan mekaar as ooit. Dit is ten spyte van die grootste toets denkbaar: ’n klomp geregtelike uitdagings wat deur “aktivistiese regters” se toedoen is, soos Nicolas volhou. En hy ontken alles.
Geen van die halfdosyn ondersoeke het iets opgelewer nie – tot vroeër vanjaar toe die voormalige president se kierangs eindelik begin braai het: Hy is daaraan skuldig bevind dat hy in 2014, twee jaar ná sy ampstermyn, ’n regter probeer omkoop het.
Nuus oor die skandaal het wêreldwyd opslae gemaak. Volgens die
