’NMENS kan met taamlike veiligheid sê dat nie een ander koninklike so ’n kleurryke lewe soos prinses Stéphanie van Monaco gelei het nie. Ander het ook meer as een keer getrou – maar min kan lyfwagte, ’n olifant-afrigter en ’n akrobaat onder hul ekse tel.
Die liefdeslewe van die jongste dogter van prins Rainier en Grace Kelly was nie vreeslik gelukkig nie. Die 57-jarige prinses is nou ’n enkelloper en spits haar toe op haar kinders en haar liefdadigheidswerk. Sy sien ook daarna uit om vir die eerste keer ’n ouma te word nadat haar oudste seun, Louis Ducruet (29), in November 2022 aangekondig het dat hy en sy vrou, Marie Chevallier (29), ’n baba verwag.
DIE HOLLYWOOD-KÊREL
Stéphanie het modelwerk gedoen, onder meer vir Vogue en Vanity Fair, en in 1986 het sy haar kortstondige musiekloopbaan afgeskop met die treffer “Irresistible”. Sy was baie gewild en het haar kêrels so vinnig soos haar klere gewissel.
Die prinses (toe 21) was versot op die Amerikaanse akteur Rob Lowe en het tydskrifte met sy foto op as kleinode bewaar. Hy is “regtig
