REBELPRINSES SE LEWE IN ’N SIRKUS-WOONWA
SY IS een van die kleurrykste, enigmatiesste en mees omstrede lede van Europa se glansrykste koninklike familie.
Prinses Stephanie word gereeld by swierige geleenthede in Monaco – dikwels saam met haar kinders – gewaar, maar dis gewoonlik ousus Caroline en ouboet Albert wat die kollig steel.
Maar ’n onlangse onderhoud met haar oudste kind, Pauline Ducruet (27), het meer lig gewerp op die binnelewe van die eens rebelse prinses Stephanie, die dogter wat haar pa destyds grys hare gegee het oor haar gewoonte om met niekoninklike karakters deurmekaar te raak en wat ’n skynbaar bekoorde maar ook tragiese bestaan gevoer het.
Pauline het vertel van haar ongewone kinderjare toe sy in ’n
