PRINSES ANNERS
AS DIT by die koningin se enigste dogter kom, is daar party dinge wat nooit verander nie. Haar haarstyl lyk byvoorbeeld al dekades lank presies dieselfde. En sy is steeds op haar gelukkigste wanneer sy in haar rubberstewels met haar honde deur ’n vlei stap of op die rug van een van haar geliefde perde sit.
Nederig, onopgesmuk en doodtevrede om uit die kollig te bly – dis prinses Anne.
Baie mense was verbaas toe die prinses onlangs in die aanloop tot haar 70ste verjaardag in Augustus op die voorblad van die tydskrif Vanity Fair verskyn.
Op die foto is ’n 19-jarige Anne met golwende lokke wat oor haar kaal skouers tuimel. Antony Armstrong-Jones – bekend as lord Snowdon, die
