RAAISEL VAN DIE TRIPPELDOOD
VIR sy familie was hy ’n geliefde seun, broer en kleinkind wat vir sy oupa en ouma kospakkies gee om hulle deur ’n moeilike tyd te help. Vir sy meisie was hy die ordentlike en sorgsame jong man wat binnekort haar aanstaande sou wees.
Hulle was almal saam met hom bly toe hulle in April hoor hy gaan een Vrydagaand ’n groot eiendomstransaksie vier saam met sy kollegas van Property Management Authority SA, die eiendomsmaatskappy bekend as Propman.
Maar Mario Pretorius (23) sou nooit weer huis toe kom nie.
Die volgende oggend, Saterdag 17 April, is Mario in raaiselagtige omstandighede dood aangetref in die huis van sy baas, Theo Kleynhans. Mario se liggaam is digby
