BRIEWE
LANDBOU ANKER DIE EKONOMIE
Chris Burgess, redakteur van Landbouweekblad, se redakteursbrief is altyd interessant. In die uitgawe van 22 April 2021 vertel hy van Malcolm Gladwell, skrywer van Outliers, se reël van 10 000 uur. Daarvolgens kos dit soveel uur om ’n taak werklik onder die knie te kry. Hy noem as voorbeeld The Beatles wat omtrent 10 000 uur in agterstraatkroeë moes optree voordat hulle wêreldberoemd geword het. Hy noem Bill Gates wat op 13 al begin het met die rekenaar en eers ná 10 000 uur gereed was vir sy groot prestasie.
Ek meen die meeste LBW-lesers weet ook van gevalle waar mense eers ná rype ondervinding besonderse prestasies gelewer het of hulle het dalk self so ’n ervaring gehad.
In die lig van bogenoemde is dit duidelik waarom die ANCalliansie nie vir groot dinge be-stem was nie. Hy is totaal onopgewasse vir die reusetaak om ’n moderne, redelik ontwikkelde staat te bestuur.
Hy kon egter veel beter gevaar het as hy
