Jo-Ann ONTHOU HAAR MA
Toe Kuier ses jaar gelede ’n voorblad met die voormalige Mej. SA Jo-Ann Strauss (40) en haar pragtige ma, Ingrid (63), gedoen het, sou ons nooit kon raai hoe baie dit vir Jo-Ann beteken het en steeds beteken nie óf hoe drasties dinge vir hul hegte familie sou verander nie…
Ma’s speel ’n belangrike en integrale rol in hul kinders se lewens en sukses, en waar ons ma’s van Kuier-bekendes kan help skyn – veral met ons Moedersdaguitgawes – doen ons dit, want ons weet Kuier-ma’s stort álles in hul kinders. En dis presies waarvoor Jo-Ann so dankbaar is. Daardie voorbladfotosessie het vir haar onvergeetlike herinneringe saam met haar ma geskep. Maar dit het ook vir haar die geleentheid gegee om haar ma te sien ontpop in die elegante en statige koningin wat sy nog altyd in Jo-Ann se oë was.
En dis aan hierdie herinneringe en soveel ander wat sy en haar ma gemaak het, waaraan Jo-Ann nou vasklou, want haar ma, haar“Moedertjie”en beste vriendin, is siek…
DEMENTIA STEEL HAAR
Ingrid is op 58 ná twee jaar van vele toetse en doktersbesoeke met frontotemporal dementia (FTD) gediagnoseer. Dementia het haar byna heeltemal verander. Hoewel Ingrid nog onthou wie haar familie is, het hierdie siektetoestand van die brein vir Jo-Ann en die res van haar familie beroof van die ongelooflike mens wat haar ma voor die siekte was. Dit
