KOEBAAI, KITSKOS
IN November verlede jaar het dit hom getref: Só kan dit nie aangaan nie.
Hy is 46 jaar oud, die pa van ’n vierjarige seuntjie, en die skaal gaan staan stil op 150 kg wanneer hy daarop klim.
“Dis toe dat ek besef het ek moet my lewe verander,” vertel die akteur en TV-aanbieder Alvin Bruinders by die World of Golf-klub in Midrand.
Anrika, met wie Alvin 14 jaar getroud is, wag op die stoep van die restaurant wat op die gholfbaan uitkyk. Hul seuntjie, Avrick, is by die kleuterskool.
Hoewel die restaurant op sy spyskaart onder meer tjips en pasta het, die soort smulkos wat Alvin so graag in die program op VIA verorber, gaan hy vandag nie
