DOEN DIÉ 3 DINGE
1 Ry al langs die geskiedenis
± 35 km (2 uur)
Geskiedeniskenners sal gaande wees oor Pretoriuskop. In die 1800’s het verskeie handelsroetes tussen die Oos-Transvaal en Delagoabaai (nou Maputo) deur die omgewing geloop en transportryers het hier oornag. Pretoriuskop was ook die eerste kamp wat oopgestel is vir besoekers – in 1927. Én in 1947 het koning George VI en sy gesin hier tuisgegaan.
Begin jou oggend in die ruskamp en gaan kyk na die oorspronklike Wolhuterhut (genoem na die veldwagter Harry Wolhuter) en die twee huise (no. 109 en 110) waar die koninklike gesin en hulle lyfwagte oornag het.
Ry nou na die H2-2 toe. Dié roete loop deur twee stukke geskiedenis.
“Die stories oor die Voortrekkerpad, of die Jock van die Bosveld-roete, maak hierdie omgewing spesiaal,”sê Pat Mabaso, die hoofgids by Pretoriuskop.
In 1845 het Carel Trichardt op versoek van die Transvaalse goewerment ’n veilige
