DOEN DIÉ 5 DINGE
1Ry die stil(ler) Tshokwaneroete
100 km (5½ uur)
Klim op die H1-2-pad en ry langs die Sandrivier af – kruie stadig oor die twee laagwaterbrûe en fynkam die rivier vir ’n hamerkop of bontvisvanger. Vat die Marula-ompad. ’n Luiperd hou hier én ’n trop leeus beweeg tussen die hoofpad en die grondpaadjie.
Draai van die H1-2-pad af op die S36 wat verby die Mantimahle- en Jonesdam loop. Dié stil, sanderige pad kry nie veel diere of menseverkeer nie. Dis ’n goeie alternatief vir die besige H1-2 na die Tshokwane-piekniekplek.
Hierdie piekniekplek is heel byderwets met rusbanke, ou advertensieborde teen die mure en kandelare waarvan koppies en stringe kant dwarrel. Jy kan dinge soos koedoeworspasteie en bobotiejaffels bestel.
Vir die tradisionele ouens is hier steeds braaiplekke en ’n gasbraai te huur.
Ry terug op die H1-2 en draai af na Leeupan toe – dis ’n lekker plek vir voëlkyk. Aasvoëls kom bad graag hier.
Kruis die H12 en ry terug met die H4-1. Groot bome staan op die oewer – plek-plek het een ’n naambordjie sodat jy jou
You’re reading a preview, subscribe to read more.
Start your free 30 days