DOEN DIÉ 4 DINGE

1 Ry oor die Steenbokskeerkring (S143)

56 km (2 uur 40 minute)

Hou uit die staanspoor jou oë oop. Patrick Mugwedi, ’n senior veldgids, sê Mopani se inwonende jagluiperds verras gereeld gaste by die T-aansluiting met die H1-6.

Ry suid op dié teerpad en draai af op al die luspaadjies na die oewer van die Tsendzerivier. Gaan maak dan koffie by die Mooiplaas-piekniekterrein – mik regs as jy inry, hier’s ’n boma langs die Tsendzerivier. Die dak kort werk, maar dit het ’n uitsig oor die rivier.

Ry later verder suid op die H1-6 en draai links op die S50 en mik noord – dié pad volg die Nshawurivier met