BEDRYWIG MET BEGRAFNISSE
“Ek is in ’n storm soos ek nog nooit gewees het nie,”sê die eienaar van Bob’s Funeral Services in Peerless Park-Wes, Kraaifontein in die noorde van Kaapstad.
“Dis net sterftes en doodsregistrasies en dokumentasie wat reggekry moet word.”
Voordat Covid-19 die wêreld omgekrap het, het Robert Goliath as enkel-operateur gemiddeld vier of vyf begrafnisse per week behartig. Dit het nou midde-in die tweede vlaag van dié virus meer as verdubbel en ’n veel groter dringendheid aan sy werk gebring.
Verreweg die meeste oorledenes wat hy deesdae hanteer, het weens Covid-19 gesterf, vertel die diep gelowige man met die sagte hart. Hy neem nou nie net seerkry by naasbestaandes waar nie, maar ook toenemend vrees en onsekerheid.“Ek moet eerlik sê, dit werk nogal ’n bietjie in op ons. Ek het Kersdag baie
