GEBOU OM TE HOU
Ongeag wát gebeur, sy vertrou op God se plan vir haar lewe, sê Cindy Orange (43).
Dié diep gelowige vrou staan deesdae aan die hoof van ’n suksesvolle fabriek op Atlantis buite Kaapstad, maar op haar paadjie tot hier is haar geloof op vele maniere beproef. Daar was selfs ’n selfmoordpoging, wat daarvan getuig dat iemand wat in die bediening staan, ook die laagste van laagtepunte kan bereik.
Atlantis met sy armoede, bendes en werkloosheid is die plek waar Cindy grootgeword en gematrikuleer het.
Sy het ’n ouer suster en jonger broer, en as gesin was hulle maar altyd in die kollig – aanvanklik omdat haar pa, Michael Adams, ’n baie bekende sokkerspeler was. Ná sy bekering in 1984 het hy sy eie kerk – die Beacon Hill Breakthrough Kingdom Community–hier gestig. Hoewel hulle
