’N 2DE KANS – EN HÓÉ!
HY WAS al in 34 flieks en minstens 28 TV-programme en het selfs die Oscars aangebied. Sy stem is al in ’n dosyn dokumentêre reekse as verteller ingespan én hy het ’n suksesvolle verhoogloopbaan op Broadway agter die blad.
Met dié indrukwekkende CV sou ’n mens dink Alec Baldwin (62) sal voor die versoeking van aftrede swig.
Maar nee, Alec is nog óral. Hy verskyn in die jongste aflewering van die fliekreeks Mission: Impossible en vertolk die hoofrol in die animasiefliek The Boss Baby: Family Business. Hy is ook die aanbieder van ’n gewilde podsending, Here’s the, en het ’n Emmy gewen vir sy uitbeelding van Donald Trump in die komedieprogram .
