VAN die oomblik dat hulle gebore is, was hulle nie net beroemd nie; hulle is aangegaap. Kinders van een van die wêreld se beroemdste – of eksentriekste – mans, gereeld in maskers en sluiers toegedraai. Die jongste is selfs by geleentheid deur hul pa, wat in daardie stadium al weens al sy plastiese chirurgie soos ’n waspop gelyk het, in ’n berugte voorval oor ’n hotel se balkon geswaai.
Michael Jackson se kinders het nooit ’n kans gehad om iets anders as ’n bisarre lewe te hê nie. Prince Michael, Paris en Bigi (wie se naam voorheen Blanket was) het waarskynlik van kleins af niks anders as ’n daaglikse sirkus geken nie.
Maar nou is hulle groot, en mense wonder: Hoe draai iemand uit wat onder dié omstandighede grootgeword het?
By die onlangse Londense première van ’n musiekspel wat op
