Verfrissende benadering tot Schoeman en sy werk
Reise met Schoeman: In die voetspore van die skrywer deur Ria Winters. Uitgewer: Protea Boekhuis. Prys: R250. Resensent: Louise Viljoen.
Karel Schoeman is ongetwyfeld een van die reuse in die landskap van die Suid-Afrikaanse lettere. Hy het van die mees sublieme romans in Afrikaans geskryf en ook uitgebreid gepubliseer oor sy historiese navorsing.
Ria Winters se Reise met Schoeman is verfrissend in dié opsig dat sy hierdie literêre ikoon nie van die gebruiklike literêre of akademiese perspektief benader nie.
