Op die spoor van die noorderlig
Aurora borealis. Jy het dié woord waarskynlik op skool in die aardrykskundeklas gehoor: Groen ligpatrone wat soos kwashale in die donker lugruim bo die sneeulandskap van die poolstreke verskyn en verdwyn.
Een oggend hoor ek dié Latynse woord op die radio. ’n Reisagent vertel van ’n toer na die noorde van Skandinawië, na Samiland. ’n Streek wat ek as Lapland in die ou Afrikaanse Kinderensiklopedie leer ken het.
Die omroeper noem daar is nog twee plekke beskikbaar op die toer in Januarie 2020. Ek en my man, Thys, kyk na mekaar – dis ons s’n!
DAG 1 Stockholm
Die toer begin in Stockholm. Een aand in die “Stad van Stokke” is gans te kort. Die stad bestaan uit ’n klompie eilande en kry glo sy naam van die houtpale of stokke, wat die inwoners in die see geplant het om vyandige skepe te keer of tolgeld te eis.
Die stad smeek om verken te word. Veral as jy ’n aanhanger van Stieg Larsson se is. Elke tweede straatnaam diep ’n herinnering uit een van sy donker rillers op: Gamla Stan, Prästgatan, Tyska Stallplan...
You’re reading a preview, subscribe to read more.
Start your free 30 days