Geliefde onderwysman het versoening uitgeleef
’n Lewe deur Herman Lategan
Dr. David Piedt, beminde inwoner van Oudtshoorn, ringkop in onderwyskringe, aktivis, liefhebber van Afrikaans en stigterslid van die Klein Karoo Nasionale Kunstefees, het in die ouderdom van 80 gesterwe. Hy is Maandag in die Mediclinic George aan Covid-19-verwante oorsake oorlede.
Iemand wat diep spore met hom in die beginjare van die KKNK gestap het, is Anet Pienaar-Vosloo. “Ek het hom goed geken, van die eerste KKNK-dae af,” sê sy. Hy was ’n man met sterk beginsels en het nooit geskroom om sy mening te lug
